Exposición: A Minerva compostelá: As súas glorias

Colexio de Fonseca do 7 de outubro de 2021 ao 22 de xaneiro de 2022. A exposición contou para a súa posta en escena, o que supoñen dous espazos emblemáticos do Colexio de Santiago Alfeo ou de Fonseca: o chamado Salón Artesoado —tamén coñecido, antano, como «Aula General de Teología»— e a súa capela. A mostra quere abordar o tema das glorias que a Minerva Compostelá tivo, contándose, neste caso, cunha serie de retratos e de vítores desde os que se propón un relato; fondos pictóricos desprazados do lugar para o que foron orixinariamente pensados e aos que a exposición procura poñer, nalgún caso, en relación co seu primeiro sentido e, noutros, con algunha das ulteriores localizacións que lles outorgaron un novo valor. Interveñen o comisario da exposición D. José Manuel García Iglesias, a directora da Biblioteca Universitaria Mabela Casal Reyes e a directora do Arquivo Histórico Desirée Domínguez Pallas.