Exposición: Valle Inclán íntimo

A Universidade de Santiago de Compostela promove unha nova exposición dedicada a Ramón María del Valle-Inclán. Organizada pola Cátedra Valle-Inclán, coa colaboración do Grupo de Investigación Valle-Inclán da USC e o apoio da Deputación da Coruña, o xornal La Voz de Galicia e a Xunta de Galicia, a mostra presenta en primicia o patrimonio artístico persoal do escritor a través de pinturas, esculturas, caricaturas, retratos, obxectos persoais, tipografía orixinal e mobiliario, cedidos para ocasión polos seus propietarios, tres integrantes da familia Valle-Inclán Alsina. A mostra está aberta desde o 9 de febreiro ata o 1 de abril de 2023 no Salón Artesoado e na Capela do Colexio de Fonseca.