¿É posible a historia inmediata de HaD? A miña experiencia sobre a historia de Santiago de Estero.

A presentación do acto corre a cargo da profesora María Jesús Cava Mesa, e faina tanto en castelán como en vasco, para reafirmar a multiculturalidade deste congreso. Abre o turno de intervencións Christian Thibon falando dos xenocidios e da historia destes terribles fenómenos que aconteceron ao longo da historia da humanidade. Raúl Dargoltz fala dunha historia local, a de Santiago de Estero para reflexionar sobre a viabilidade dun proxecto como este de Historia a Debate, de escribir a historia inmediata. Dende o Ecuador Juan Paz y Miño fala dunha imperiosa necesidade dunha historia actual no ámbito latinoamericano; para elo fai unha situación dos elementos necesarios para completar esta tarefa. José L. Monzant, profesor na Universidad CAtólica Cecilio Acosta de Maracaibo, fai unha visión localista da importancia da historiografía dixital a través da realidade venezolana coa chegada de Chávez ao poder. A presidenta da mesa, María Jesús Cava Mesa, fai un repaso das rtelacións internacionais na historia e dos feitos noticiables nos "media". A polémica entre información e entretemento e a mistura nos actuais centro de información global inmediata son unha tarefa a correxir. O profesor da universidade anfitriona, Israel Sanmartín, fai unha disertación sobre os obxectivos da historia a partir do punto XIV do manifesto de Historia a Debate. O profesor canario Domingo Garí fai un repaso de como funcionan os sistemas políticos e de como a democracia participativo foi aparecendo nas distintas etapas da historia da humanidade. Francisca Colomer Pellicer, dende a Universidad de Murcia, fai unha reflexión sobre o punto XIV do manifesto de Historia a Debate, os fins da historia. Nicoloas Prognon fala do proceso transitorio da dictadura á democracia en Chile. Tras o período totalitario baixo o mando do xeneral Pinochet os derechos humanos toman parte da sociedade e aquí analiza como foron asimilados. Antonio Duplá fala sobre a paz e de como se usa o termino guerra justa como emblema dos imperios que queren impoñer a súa hexemonía. Dende Roma ata Estados Unidos fai un repaso do uso destes conceptos. Remata o turno de intervencións Hans-Henrich Nolte, falando dunha historia do mundo a través dun grupo de traballo como ferramenta moi valiosa. Pequeno debate sobre os conceptos xurdidos na mesa.