O mundo da espintrónica; electróns, espíns, computadoras e teléfonos

Tras unha breve introducción en castelán Albert Fert pasa a falar en inglés, comezando por explicar de que trata a espintrónica, e dentro desta a magnetorresistencia xigante. Introducíndose progresivamente no tema da conferencia comeza a explicar en que tipo de estructuras e instrumentos é aplicable este tipo de tecnoloxía; un exemplo é o modo de funcionamento sobre os discos duros, outro é o ámbito biomédico. Nunha segunda parte da conferencia expón o funcionamento da magnetorresistencia xigante en efecto túnel. Inmediatamente despois explica o proceso de transferencia de spíns, a súa polarización e os efectos deste fenómeno. Algunhas experiencias novas están levando a algúns científicos a traballar sobre novos produtos, como uns sustitutos do presente formato de disco duro, a cargo de IBM; a espintrónica baseada en materiais de carbono, a espintrónica aplicada á investigación sobre o cerebro humano, etc... Finaliza facéndolle unha homenaxe a todos aqueles que traballan con el.