T 1. FALAMOS CON... Olga Fontán Maquieira (Capítulo 3)

FALAMOS CON… é unha miniserie documental dedicada a persoas que pola súa implicación académica-docente, científica-investigadora, profesional, de xestión administrativa e servizos contribúen ao avance e modernización da Institución universitaria. Co testemuño dos protagonistas constrúese un retrato poliédrico do personaxe, a súa traxectoria vital e humana. Unha viaxe entrañable ás súas raíces, á orixe familiar, á infancia e escolarización, aos anos de mocidade e contexto da súa Formación Superior, a súa dedicación á Universidade e ao recoñecemento social. Olga Fontán Maquieira, Directora do Servizo de Medios Audiovisuais da USC e Doutora en Comunicación, Publicidade e Relacións Públicas (UVigo, 2002). Durante máis de 35 anos traballa como Especialista en Medios Audiovisuais en SERVIMAV. Neste servizo xestiónase a mediateca audiovisual da Universidade compostelá, cun arquivo de máis de 4000 producións desde o ano 1980. A súa achega á USC considéraa como parte dun equipo: "Un traballo colectivo de persoas que axudaron e axudan a construír a memoria audiovisual da USC"