Lección maxistral de Antonio Bonet Correa.

Antonio Bonet Correa fai un discurso de historia personal, da súa relación vital coa cidade de Santiago de Compostela e das xentes que a poblaron durante as súas estadías na capital galega. Ten recordo para amigos, compañeiros, persoeiros e algúns actores secundarios que tiveron algunha relevancia na cronoloxía de seu. Con tono emotivo recorre as rúas prazas e casas, os actos e festas e os ambientes e caracteres que impregnaban a urbe universitaria.