• Inicio
  •  »  USC TV - MEDIATECA
  •  »  Todos
  •  »  O velorio de Pat O´Connor
  •  »  O velorio de Pat O´Connor

O velorio de Pat O´Connor

Data de celebración: 02/06/2006
Visto: 4438 veces

Comeza a obra con dúas mulleres coidando do moribundo Pat O´Connor na casa deste. Tras presionalo de moitos xeitos para que lles diga onde garda os cartos, chega o médico, un home tan avaricioso e aproveitado como as dúas irmás, que tras librarse delas trata de convencer o moribundo de que lle finance un novo equipamento médico moi custoso. Nesta parte compróbase que Pat tamén foi un home avaricioso que acumulou o diñeiro sen compartilo con ninguén. Cando volven as irmás o médico trata de convencelas da necesidade do balón de osíxeno e da necesidade de ter diñeiro para traelo de Dublín. Elas non lle deixan marchar a pesar de que el dá ao enfermo por desauciado. Nese momento entra o crego que non lle quere dar confesión por andar cos ingleses Finalmente este accede a confesalo no leito de morte, e na confesión recordalle constantemente o seu contacto cos ingleses. Tras un anaco, o cura descóbrese coma outro avaricioso que o único que quere é que lle confese a el onde agocha o diñeiro.. Pat, que é moi teimudo, acaba morrendo sen confesar; o cura e o médico marchan, e fican as irmás lamentándose da súa desgracia por non ter cartos. No segundo acto o cura comeza xustificando á confesión do Pat ante a señora O´Mallei. O médico tíralle os trastos á filla dos O´Mallei, que viu de Nova Iorque, onde ten unha empresa de teas. O médico está moi interesado en conquistala. Mentres na casa dos O'Connor as irmás preparan o velorio de Pat. Chegan as pranxideiras, que se lamentan da morte do Pat cínicamente; de novo é unha preocupación interesada, como a do resto das familias, que veñen a comer e beber. O médico aproveita quedarse só cunha das irmás para tratar de conquistala, e ter acceso o diñeiro do Pat. A outra irmá entra e interrumpeos. Entra tamén a filla dos O´Mallei, e nese momento esperta o morto, que lonxe de asustar ou alegrar ás súas irmás, bérralles polo diñeiro malgastado. Tras algunhas conversas entra o médico e fica a solas coa filla dos O´Mallei, e trata de conquistala de novo diante do morto. Entón ela lle confesa que e pobre e prostituta, e el retráctase de todo o amor amosado. Cando todos marchan Pat fica coas irmás e falalles do plan que ten para marchar a Dublín tras do seu propio enterro. O final elas atopan o diñeiro no corpo do Pat cando este volve quedar inconsciente, e rematan celebrando a morte do Pat cun baile de todolos participantes da obra diante do ataud do Pat.

Productora: SERVIMAV
Teira, Elena M.
Actriz
Yáñez, Belén
Actriz
Rey, Diego
Actor
Meizoso, Diego
Actor
Méndez, Roi
Actor
Lado, María
Actriz
Ordónez, María
Actriz
Programa ConCiencia 2019. Dr....
Data Evento:
18/11/2019
[+]
II Semana da Ciencia 2019: Conferencia...
Data Evento:
14/11/2019
[+]
Os retos xeoestratéxicos...
Data Evento:
30/10/2019
[+]
Acto de entrega das Insignias...
Data Evento:
25/10/2019
[+]
Acto Académico da celebración...
Data Evento:
08/10/2019
[+]
International Congress. IPA/SEPG...
Data Evento:
11/09/2019
[+]
Universidade de Santiago de Compostela | Teléfonos: +34 881 811 000 e +34 982 820 000 | Contacto
Powered by PumuKIT PRO V 1.70 license