Comedia bífida

Curiosa versión do Xuízo Final. Con San Pedro como xuíz supremo, os mortos desta obra de teatro son xulgados pola súa actitude na vida a prol ou en contra do uso da lingua propia. Xa que os mortos son maioritariamente galegos, vai resultar que a lingua en tea de xuízo é o galego, ese rexistro idiomático posto en cuestión no país do que é orixinaria e sinal de identidade. Un arcanxo defensor e un demo fiscal darán o contrapunto argumental á hora de sopesar as razóns que levan a un galego ou galega a non querer falar a súa lingua con normalidade. Humorismo, ironía, sarcasmos varios, crítica e autocrítica serán convenientemente servidos nesta derradeira cea teatral nas antesalas do inferno ou do paraíso.