Festividade de San Tomé de Aquino 2023

Acto de celebración da Festividade de San Tomé de Aquino, patrón da Universidade, no Salón de Actos da Facultade de Ciencias do Campus de Lugo. O reitor Antonio López no seu discurso puxo en valor o cometido da USC como “panca ensencial para a formación e tamén para o desenvolvemento económico e social de Galicia”. Recoñeceu o “lícito orgullo pola realidade universitaria construída entre todos en Lugo durante o último século”, referiuse ao recoñecemento do Campus Terra como campus de especialización como “unha oportunidade de futuro para acadar obxectivos ambiciosos, tales como os son incrementar o alumnado, potenciar e afianzar estruturas e resultados de investigación, avanzar no relevo xeracional do profesorado e no deseño de títulos aliñados cos novos intereses sociais e do mercado laboral”. Finalizado o seu discurso o reitor dou por rematado o acto.