Discurso de ingreso de Leon O. Chua.

Leon O. Chua tras os obrigados agradecementos, e falando en inglés. Fala das colaboracións co profesor Pérez Villar e os seus colaboradores nas investigacións durante moitos anos. O caos, materia do seu estudio, agora é un fenómeno popular e eles teñen certo protagonismo nesto. Repasa algúns nomes de grandes científicos que estiveron investigando ou falaron sobre o caos. A pouca predictibilidade do clima, os ataques de corazón e outros fenómenos naturais son tratados polas teorías do caos. Fala dalgúns avances científicos neste campo nos últimos tempos. Fai un anuncio sobre o traballo do seu laboratorio en Berkeley: a construcción do primeiro supercomputador nun chip de silicona. Explica a continuación porque se trata dun anuncio histórico e de relevancia internacional ante a estupefacción dos asistentes. Remata agradecendo de novo este recoñecemento.