Acto de entrega da Insignia de Ouro da USC ao Profesor Doutor D. Ramón J. Méndez Pampín

O profesor emérito da USC, Ramón J. Méndez Pampín, foi homenaxeado, nun emotivo acto presidido polo reitor Antonio López, que serviu de escenario para impoñerlle a Insignia de Ouro da USC “pola súa relevante traxectoria docente e investigadora nos ámbitos da Enxeñaría Química e da Biotecnoloxía Ambiental”. Así o establece a resolución reitoral da concesión, á que deu lectura a secretaria xeral, Dulce Gracía Mella, no transcurso dunha sesión que se desenvolveu no Salón de Actos da Escola Técnica Superior de Enxeñaría. Antonio López puxo en valor a longa traxectoria do homenaxeado, historia viva dos estudos de Química na USC que están a vivir a celebración do seu centenario, e agradeceulle a súa implicación coa institución. O reitor subliñou a súa capacidade de xuntar e liderar persoas para facer equipo e afirmou que para el supuxo unha grande honra entregar este recoñecemento.