T 1. FALAMOS CON... Juan Luis Blanco Valdés (Capítulo 4)

FALAMOS CON… é unha miniserie documental dedicada a persoas que pola súa implicación académica-docente, científica-investigadora, profesional, de xestión administrativa e servizos contribúen ao avance e modernización da Institución universitaria. Co testemuño dos protagonistas constrúese un retrato poliédrico do personaxe, a súa traxectoria vital e humana. Unha viaxe entrañable ás súas raíces, á orixe familiar, á infancia e escolarización, aos anos de mocidade e contexto da súa Formación Superior, a súa dedicación á Universidade e ao recoñecemento social. Juan Luis Blanco Valdés, Director do Servizo de Publicacións e Intercambio Científico da USC. Unha vida profesional dedicada á xestión e edición impresa de documentos académicos, históricos, publicacións científicas, literarias e manuais docentes dos membros da Universidade e que constitúen parte da memoria escrita e intelectual da USC. Polo seu traballo na universidade compostelana gustaríalle ser lembrado “por deixar unha pegada de honestidade profesional, de alto sentido institucional, en fin unha pegada de profesionalidade e de afán de superación”·